به‌پێی ئاماره‌كانی وه‌زاره‌تی ئامووزش و په‌روه‌رشی ڕژیم، نزیكه‌ی ٢٠ هه‌زار خوێندكار له ئوستانی ئازره‌بایجانی غه‌ربی به‌هۆی هه‌ژاریه‌وه له درێژه‌ی پرۆسه‌ی خوێندن دوور كه‌وتنه‌ته‌وه.
به‌وته‌ی به‌رپرسانی ئامووزش و په‌روه‌رشی ئازه‌ربایجانی غه‌ربی، نزیكه‌ی ٣٠٠ هه‌زار بنه‌ماڵه له ناوچه حاشییه‌كاندا له‌دۆخێكی زۆر خراپدا ژیان به‌سه‌ر ئه‌به‌ن و ته‌نانه‌ت له‌شاری ورمێ مه‌دره‌سه‌ی سێ شیفته و ٣٢٠ مه‌دره‌سه‌ی كانێكسی له سه‌ر‌انسه‌ری ئوستان هه‌یه. هه‌روه‌ها ٢١٪ی مه‌ده‌ره‌سه‌كانی ئوستان نائیمه‌نن و ئامووزش و په‌روه‌رشی ئوستان ٦ هه‌زار پێرسۆنێلی تازه‌ی پێویسته.