به‌پێی هه‌واڵی گه‌یشتوو، به‌ڕێوه‌به‌رایه‌تی ئیداره‌ی ئامووزش و په‌روه‌رشی ئوستانی كرماشان ڕۆژی شه‌ممه ١٥ی مانگی گه‌لاوێژ ڕایگه‌یاند: به پێی ئاماره‌كان، سێ هه‌زار و ٥٨ منداڵی نێوان ٦ بۆ ١١ ساڵ ته‌مه‌ن له پڕۆسه‌ی خوێندن دووركه‌وتوونه‌ته‌وه.
به پێی ڕاپۆرتی ئیداره‌ی ئامووزش و په‌روه‌رشی كرماشان، سێ هه‌زار و ٥٨ منداڵی ٦ بۆ ١١ ساڵ ته‌مه‌ن به‌هۆی هه‌ژاری و ده‌ستكورتیه‌وه له درێژه‌ی پڕۆسه‌ی خوێندن دووركه‌وتوونه‌ته‌وه كه ته‌نیا ٦٧٧ كه‌سیان شناسایی كراون و نزیكه‌ی ٧٧ له سه‌دیان شناسایی نه‌كراون.