کۆمەڵە_رێكخراوی كوردستانی حیزبی كۆمونیستی ئیران
ئێرانهه‌واڵه‌کان

دوایین زانیارییه‌كان له‌سه‌ر دۆخی زیندانی ئێڤین

شه‌وی شه‌ممه‌ ٢٣ی مانگی ڕه‌زبه‌ر، به‌ هۆی ڕاپه‌ڕینی به‌ندكراوان و ئاگرگرتنی به‌نده‌كانی ٧ و ٨ی  زیندانی ئێڤینی تاران هه‌شت كه‌س به‌سه‌ختی برینداربوون، به‌ پێی هه‌واڵێكی پشتڕاشت نه‌كراو چوار به‌ندكراو كوژراون، هه‌روه‌ها ئه‌مڕۆ یه‌كشه‌ممه‌ بنه‌ماڵه‌ی نیگه‌رانی به‌ندكراوان له‌به‌رده‌م زیندانی ئێڤین كۆبوونه‌ته‌وه‌ و داوای چاوپێكه‌وتن له‌گه‌ڵ ڕووڵه‌كانیان ده‌كه‌ن.

به‌پێی ڕاپۆرته‌كان، زیندانیانی به‌نده‌كانی ٧ و ٨ی زیندانی ئێڤین دژبه‌ به‌رپرسانی ئه‌منییه‌تی زیندان ڕاپه‌ڕینیان كرد و له‌گه‌ڵ هێزه‌كانی ڕژیم تێكهه‌ڵچوون و ئاگر له‌ به‌نده‌كانی ٧ و ٨ به‌ردرا و هێزه‌ تایبه‌ته‌كانی ڕژیم بۆ هێور كردنه‌وه‌ی دۆخه‌كه‌ به‌ره‌و زیندانی ئێڤین به‌ڕێكه‌وتن و له‌ نارنجۆك ئه‌ندازی ٣٧ میلیم كه‌ڵكیان وه‌رگرت بۆ تێكدانی كۆبوونه‌وه‌ی زیندانیان، هاوكات خه‌ڵكی ناڕازی و بنه‌ماڵه‌ی به‌ندكراوان له‌به‌رده‌م زیندان كۆبوونه‌وه و له‌گه‌ڵ هێزه‌كانی ڕژیم تێكهه‌ڵچوون و خوێندكارانی زانكۆی به‌هه‌شتی به‌ دروشمیئه‌مساڵ ساڵی خوێنه، سه‌ید عه‌لی سه‌رنگوونهله‌ ناوه‌ندی زانكۆ كۆبوونه‌وه‌ و دانیشتووانی گه‌ڕه‌كه‌كانی ده‌ورووبه‌ری زیندانی ئێڤین تا كاتی نیوه‌شه‌و دژبه‌ ڕژیمی ئیسلامی دروشمیان وته‌وه‌،‌ به‌وته‌ی به‌رپرسانی ڕژیم، له‌و ڕووداوه‌دا هه‌شت به‌ندكراو به‌سه‌ختی برینداربوون و هیچ به‌ندكراوێك گیانی له‌ده‌ست نه‌داوه‌ و به‌شێك له‌ به‌ندكراوانی سیاسی بۆ زیندانی كه‌ره‌ج گوازراونه‌ته‌وه‌.

بابەتی پەیوەندیدار

گیان له‌ده‌ستدانی دوو سووختبه‌ری به‌لووچ له‌ په‌هره‌

-

پشتیوانیکردن لە ڕاپەڕینی سه‌راسه‌ری گەلانی ئێران لە دەرەوەی وڵات

-

ڕووداوی هاتووچۆ له‌ پارێزگایەکی باکووری کوردستان

-

كوژرانی دوو گه‌نج له‌ له‌نده‌ن

-

ڕاپۆرتێك سه‌باره‌ت به‌ بارودۆخی شاری بۆكان

-

ڕاپه‌ڕینی سه‌راسه‌ری خوێندكارانی زانكۆ له‌ شاره‌كانی ئێران

-