هێزه‌كانی ئه‌ڕه‌ته‌شی هێند و پاكستان ڕۆژی هه‌ینی ٢٣ی گه‌ڵارێزان، له سنووره‌كانی ناوچه‌ی كێشمیر كه له نێوان هه‌ر دوو وڵات هه‌ڵكه‌وتووه، بۆ جارێكی دیكه له‌دژی یه‌كتر وه‌ستانه‌وه.
به پێی ڕاپۆرته‌كان، له ئه‌نجامی ئه‌م تێكهه‌ڵچوونه، لانیكه‌م ١٥ كه‌س له‌وانه ١٠ كه‌سی مه‌ده‌نی گیانیان له‌ده‌ستداوه و به ده‌یان كه‌سی دیكه‌ش برینداربوون. شایانی باسه، له‌و ڕۆژه‌دا پێنج تێكهه‌ڵچوون له مه‌ودای ٧٤٠ كیلومیتری سنووری دوو وڵات ڕوویداوه و دانیشتووانی گونده‌كانی نزیك له‌م ناوچه‌یه، ماڵه‌كانیان جێ هێشتووه. جێگه‌ی ئاماژه‌یه، له‌كاتی جیابوونه‌وه‌ی پاكستان له هێند له ساڵی ١٩٧٤ی زاینیی، ناوچه‌ی كێشمیر له ماوه‌ی ساڵانی ڕابردوو به‌ره‌دوام بووه‌ته مه‌یدانی ململانێ نێوان دوو وڵات.