به پێی ڕاپۆرته‌كان، لانیكه‌م ٢٨ خۆپێشانده‌ر له لایه‌ن هێزه‌كانی وه‌زاره‌تی ئیتلاعاتی ڕژیم له ڕامشیر، ده‌ستبه‌سه‌ر و ڕاگوێزی شوێنێكی نادیار كراون.
كاتژمێر ٦ی سه‌ر له به‌یانی ڕۆژی چوارشه‌ممه ٣٠ی مانگی پووشپه‌ڕ، هێزه‌كانی ئیداراه‌ی ئیتلاعات، هێرشیان كردۆته سه‌ر ماڵی كۆمه‌ڵێك له لاوانی ناڕازی له شاری ڕامشیر و ٢٨ كه‌سیان ده‌ستبه‌سه‌ر و بۆ شوێنێكی نادیار گواستۆ‌ته‌وه كه ناوی ژماره‌یك له ده‌ستبه‌سه‌ر كراوان به‌م شێوه‌یه:
“محه‌ممه‌د عه‌مووری”، “خالید عه‌مووری”، “جه‌واد جابری”، “حامد خالدی”، “سه‌لاح خالدی”، “فه‌رزاد عه‌تابی”، “محه‌ممه‌د ئه‌لبۆشووكه”، “حه‌یده‌ر ئه‌لبۆشووكه”، “مه‌جید مووسه‌وی”، “ئۆمید تووسی”، “ئه‌حمه‌د ئه‌سلی” و “مێهدی حه‌مید”. شایانی باسه كه له ماوه‌ی ڕۆژانی ڕابردوودا له شاری ئه‌هواز ژماره‌یه‌كی دیكه له لاوانی ئه‌و شاره له لایه‌ن هێزه ئه‌منییه‌كانی ڕژیمه‌وه ده‌ستبه‌سه‌ر كراون كه ناسناویان ئاشكرا نه‌كراوه.