کۆمەڵە_رێكخراوی كوردستانی حیزبی كۆمونیستی ئیران
جیهان هه‌واڵه‌کان

ده‌ستبه‌سه‌ركردنی ده‌یان خۆپیشانده‌ر له‌ هۆنگ كۆنگ

پۆلیسی هۆنگ كۆنگ ڕۆژی دووشه‌ممه‌ ٤ی مانگی خه‌رمانان له‌درێژه‌ی خۆپیشاندانی هاووڵاتییانی ئه‌م ناوچه‌یه‌، ٣٦ كه‌سی ده‌ستبه‌ر كرد كه‌ یه‌كێكیان منداڵێكی ١٢ ساڵه‌یه‌.

به‌ پێی ڕاپۆرتی هه‌واڵنێریی ڕوویتێرز، ده‌ستبه‌سه‌ركردنی ئه‌م كه‌سانه‌ كاتێك ڕوویدا كه‌ به‌هۆی ده‌ست تێوه‌ردانی پۆلیس خۆپیشاندانه‌كه‌ به‌ره‌و توندووتیژ كێشرا و ناڕازییان ده‌ستیان كرد به‌ هاویشتنی كۆكتێل مۆلۆتێف. شایانی باسه‌، هێزه‌كانی پۆلیس بۆ بڵاوه‌پێكردن به‌ ناڕازییان له‌ ماشینی ئاوپاش و گازی فرمێسكرێژ كه‌ڵكیان وه‌رگرتووه‌. ئه‌مه‌ له‌ كاتێكدایه‌ كه‌ لە خۆپیشاندانەکانی شەوی رابردوودا هەزاران کەس رژانە سەرشەقامەکان و بۆ یەکەمجار پۆلیس چەکی بەکارهێنا. پێویسته‌ ئاماژه‌ بكرێت كه‌ خۆپیشاندانەکانی هۆنگ کۆنگ لە دژی هەموارکردنەوەی یاسای رادەستکردنەوەی تاوانباران به‌ چین هه‌روا بەردەوامە و به‌ هۆی ئەو یاسایەوە دانیشتووانی هۆنگ کۆنگ، ئەو كه‌سانه‌ی كه‌ بە تۆمەتێک تاوانبار ده‌كرێن بۆ رووبەڕووبوونەوەی سزاکان و دادگاییکردنیان، بۆ وڵاتی چین ده‌نێردرێن، خۆپیشاندەرانیش ئەوە رەت دەکەنەوە. جێگه‌ی ئاماژه‌یه‌، خۆپیشاندانه‌كان به‌ گه‌ڵاڵه‌ ڕاده‌ستكردنه‌وه‌ی تاوانباران به‌ چین له‌ هاوینی ئه‌مساڵه‌وه‌ ده‌ستی پێكردووه‌ و ئه‌مه‌ له‌حاڵێكدایه‌ كه‌ سه‌رۆكی ئیجرایی هۆنگ كۆنگ به‌دوای په‌ره‌سه‌ندنی ناڕه‌زایه‌تییه‌كان ڕایگه‌یاندبوو كه‌ ئه‌م گه‌ڵاڵه‌یه‌ مردووه‌ و هه‌ڵده‌وه‌شێندرێته‌وه‌، به‌ڵام خۆپیشاندانه‌كان هه‌تا ئێستا هه‌روا به‌رده‌وامه‌.

بابەتی پەیوەندیدار

ناڕوونی چاره‌نووسی شۆفێرانی ده‌ستبه‌سه‌ركراوی هێڵی “بی ئاڕ تی”

komalah

ناڕه‌زایه‌تی كرێكارانی شێركه‌تی “ئێران مایه‌ی” ته‌ورێز

komalah

كوژرانی فه‌رمانده‌یه‌كی باڵای سوپای پاسداران له‌ شاری تاران

komalah

به‌ڕێوه‌چوونی خۆپیشاندانێك بۆ یادی گیانبه‌ختكردووانی ده‌یه‌ی ٦٠ له‌ ئاڵمان

komalah

دەستبەسەرکردنی دوو چالاکی کرێکاریی لە شاری سنە

komalah

ژه‌هراوی بوونی ٤٠ کەس لە شاری کرماشان بەهۆی خواردنی كارگی كێوی

komalah