ڕۆژی یه‌كشه‌ممه ١٨ی گه‌ڵارێزان، له ئه‌نجامی ناڕه‌زایه‌تییه‌كان به ئاكامی هه‌ڵبژارده‌نه‌كانی سه‌رۆك كۆماری له ئه‌مریكا، زیاتر له ٦٠٠ كه‌س له شاری مینیاپۆلیس ده‌ستبه‌سه‌ر كراون.
ڕاپۆرته‌كان باس له‌وه ده‌كه‌ن كه به هه‌زاران كه‌س له خه‌ڵكی شاری مینیاپۆلیس، ڕۆژێك دوای هه‌ڵبژارده‌نه‌كانی سه‌رۆك كۆماری له‌م وڵاته، به درووشمی “ڕێگه ناده‌یه‌ن ترامپ ده‌نگه‌كانمان بدزێ”، له ناوه‌ندی ئه‌مشاره كۆبوونه‌وه و یه‌كێك له گه‌وره‌ڕێكانی مینیاپۆلیسیان به‌ست. شایانی باسه، پۆلیسی ئه‌مشاره هێرشی كردووه‌ته سه‌ر ناڕازییان و ٦٤٦ كه‌سی ده‌ستبه‌سه‌ر كردووه. جێگه‌ی ئاماژه‌یه، هه‌ڵبژاردنه‌كانی سه‌رۆك كۆماری له ئه‌مریكا ڕۆژی سێشه‌ممه‌ی حه‌فته‌ی ڕابردوو ده‌ستی پێكرد و بۆ ماوه‌ی چه‌ند ڕۆژ هه‌روا به‌رده‌وام بوو كه سه‌رئه‌نجام “جو بایدن” به‌بژێری پارتی دێمۆكرات به به‌ده‌ست هێنانی ٢٩٠ ده‌نگی ئێلكتراڵ، سه‌ركه‌وتنی به‌ده‌ست هێنا. هاوكات “دوناڵد ترامپ” له‌ئاست ئاكامی هه‌ڵبژاردنه‌كان ئێعتڕازی كردووه و ڕایگه‌یاندووه كه له‌م هه‌ڵبژاردنه‌دا ته‌زویر ئه‌نجام دراوه.