سه‌رۆكی ڕێكخراوی نیزام په‌ره‌ستاری ئێران ڕۆژی شه‌ممه ٥ی ڕه‌شه‌مه ڕایگه‌یاند: له ٩ مانگی ڕابردوودا، ٢١٦ په‌ره‌ستار به‌هۆی سه‌ختی كار و كه‌می حه‌قده‌ست ده‌ستیان له‌كار كێشاوه.
“محه‌ممه‌دته‌قی جه‌هانپور” سه‌رۆكی ڕێكخراوی نیزام په‌ره‌ستاری له‌و باره‌وه وتی: به‌پێی ڕاگه‌یاندنی زانكۆی زانیاری پزیشكی به‌هه‌شتی، ته‌نیا له ٩ مانگی سه‌ره‌تایی ساڵی ١٤٠٢دا ٢١٦ كادری ده‌رمان به‌هۆی ناته‌رازبوونی سه‌ختی كار له‌گه‌ڵ ئه‌و حه‌قده‌ست و مه‌زایایه‌ی وه‌ری ده‌گرن ده‌ستیان له‌كار كێشاوه. له شارێكی وه‌كوو تاران كه زۆرترین ڕێژه‌ی نه‌خۆشخانه‌ی هه‌یه، ئاماری مانه‌وه‌ی په‌ره‌ستاران زۆر كه‌متر له شارستانه‌كانه. دابینكردنی ڕیفاه، ئه‌منیه‌ت و ڕێزگرتن له چالاكییه‌كانیان كه‌مترین كارێكه كه ده‌وڵه‌ت ئه‌بێ له حه‌ق كادری ده‌رمان بیكات به‌ڵام سیاسه‌ته هه‌ڵه‌كانی ڕژیم كارێكی كردووه كه هه‌زاران په‌ره‌ستار و پزیشكی بسپوڕ بۆ وڵاتانی ناوچه‌كه و ئورووپا كۆچ بكه‌ن.