“خۆسره‌و به‌هادۆری قه‌شقایی” خوێندكاری خه‌ڵكی شیراز ماوه‌ی یه‌ك مانگه له‌لایه‌ن ناوه‌نده ئه‌منیه‌تیه‌كانه‌وه ده‌ستبه‌سه‌ر و چاره‌نووسی به ناڕوونی ماوه‌ته‌وه.
“خۆسره‌و به‌هادۆری قه‌شقایی” خوێندكاری بواری زانیاری سیاسی له زانكۆی شیرازه و مانگێك له‌وه‌به‌ر به تۆمه‌تی “ئیجماع و ته‌بانی دژبه ئه‌منیه‌تی نه‌ته‌وه‌یی” و “چالاكی ته‌بلیغی دژبه نیزام” ده‌ستبه‌سه‌ر و بۆ زیندانی ئه‌و شاره گوازراوه‌ته‌وه. جێگای ئاماژه‌یه كه ئه‌و چالاكه سنفیه له مافه‌كانی ده‌ستڕاگه‌یشتن به پارێزه‌ر و چاوپێكه‌وتن له‌گه‌ڵ بنه‌ماڵه‌كه‌ی بێبه‌ش كراوه.