به‌پێی هه‌واڵی گه‌یشتوو، ڕۆژی یه‌كشه‌ممه ٧ی مانگی جۆزه‌ردان، “فه‌رهاد شه‌یخی” چالاكی كرێكاری خه‌ڵكی سه‌قز و ئه‌ندامی پێشووی ئیتحادییه‌ی ئازادی كرێكارانی ئێران و دانیشتووی هه‌شتگردی كه‌ره‌ج له‌لایه‌ن ناوه‌نده ئه‌منیه‌تیه‌كانه‌وه ده‌ستبه‌سه‌ر كرا.
“عیرفان كه‌ره‌م ووه‌یسی” پارێزه‌ری “فه‌رهاد شه‌یخه” له‌و باره‌وه ڕایگه‌یاندووه كه ناوبراو له‌لایه‌ن هێزه‌كانی ئیداره‌ی ئیتلاعاته‌وه له ماڵه‌كه‌ی خۆی له شاری هه‌شتگرد ده‌ستبه‌سه‌ر و بۆ شوێنێكی نادیار گوازراوه‌ته‌وه. شایانی باسه كه مۆبایلی “فه‌رهاد” له‌لایه‌ن ئیداره‌ی ئیتلاعاته‌وه زه‌وت كراوه و هیچ زانیارییه‌ك سه‌باره‌ت به چاره‌نووسی له‌به‌رده‌ست دا نییه.