له ماوه‌ی ڕۆژانی ڕابردوودا، دوو ڕۆژنامه‌وانی خه‌ڵكی شارستانی كلیبه‌ری سه‌ر به پارێزگای ئازه‌ربایجانی شه‌رقی، پاش ئاشكراكردنی ده‌ستدرێژی سێكسی موعه‌لیمێكی ئه‌ندامی سپای پاسداران بۆ سه‌ر قوتابیانی مه‌دره‌سه‌یه‌ك ده‌ستبه‌سه‌ر و ڕه‌وانه‌ی زیندان كراون.
“ئه‌بۆلفه‌زل پورحسن قۆلی” به‌ڕێوه‌به‌ری ده‌زگای هه‌واڵنێری سێحراما” و “ئاره‌ش شادمه‌ند” وێنه‌گری ئه‌و ده‌زگای هه‌واڵنێرییه، ڕۆژانی هه‌ینی و شه‌ممه‌ی ڕابردوو له‌لایه‌ن ئیتلاعاتی سپای پاسدارانه‌وه ده‌ستبه‌سه‌ر و به بێ ئاگاداری بنه‌ماڵه‌كانیان بۆ به‌ندی دووی الفی ئه‌و ڕێكخراوه‌یه له زیندانی ئێڤین نێردراون. به‌پێی زانیارییه‌كان، موعه‌لیمێكی ئه‌ندامی سپای پاسداران ده‌ستدرێژی سێكسی كردۆته سه‌ر كۆمه‌ڵكێك قوتابی ٧ و ١١ ساڵه له یه‌كێك له گونده‌كانی سه‌ر به شارستانی ئه‌هه‌ر و هه‌واڵه‌كه‌ی له‌لایه‌ن ئه‌و دوو ڕۆژنامه‌وانه‌وه بڵاو كراوه‌ته‌وه.