ڕۆژی شه‌ممه ١٤ی گه‌لاوێژ، دوو چالاكی مه‌ده‌نی به ناوه‌كانی “سوره‌یا ڕه‌زایی مه‌هوار” خه‌ڵكی تاران و “محه‌ممه‌د سوڵتانی” خه‌ڵكی ئه‌راك له‌لایه‌ن هێزه‌كانی حكوومه‌ته‌وه ده‌ستبه‌سه‌ر كران.
به‌پێی زانیارییه‌كان، “سۆره‌یا ڕه‌زایی مه‌هوار” به‌هۆی دژایه‌تی كردنی له‌گه‌ڵ حیجابی زۆره‌ملێ له شوێنێ كاره‌كه‌ی له شیركه‌تی “مایكت” له‌لایه‌ن هێزه‌كانی سپای پاسدارانه‌وه ده‌ستبه‌سه‌ر و بۆ شوێنێكی نادیار گوازراوه‌ته‌وه. هه‌وه‌رها هێزه‌كانی ئیتلاعاتی شاری ئه‌راك ڕۆژی شه‌ممه هێرشیان كرده سه‌ر ماڵی “محه‌ممه‌د سوڵتانی” و وێڕای پشكنینی خانووه‌كه، ده‌ستیان به‌سه‌ر كه‌لووپه‌لی شه‌خشی ناوبراودا گرت و ئه‌و چالاكه مه‌ده‌نییه‌یان ده‌ستبه‌سه‌ر كرد.