به‌پێی ڕاپۆرته‌كان، دوو كرێكاری ناڕازی كارخانه‌ی توانه‌وه‌ی ئاسنی ئیسفه‌هان له‌لایه‌ن هێزه ئه‌منیه‌كانه‌وه ده‌ستبه‌سه‌ر و بۆ شوێنێكی نادیار ڕاگوێزراون.
به‌وته‌ی چالاكانی مافی مرۆڤی ئێران، ناسناوی ئه‌و دوو كرێكاره بریتیه له: “مه‌سعوود ئێسپه‌ندانی” له به‌شی ئۆتۆماسیۆنی موخابرات و “حاج مه‌حموودی” له به‌شی كڕینی ئامیره‌كانی كارخانه. به‌پێی زانیارییه‌كان، حاج مه‌حموودی گه‌نده‌ڵه‌ییه‌كانی به‌ڕێوه‌به‌رایه‌تی كارخانه‌ی توانه‌وه‌ی ئاسنی ئیسفه‌هانی ئاشكرا كردبوو. ڕۆژی سێشه‌ممه هێزه‌كانی حه‌راسه‌ت و مه‌ئموورانی ئینتزامی ڕێگه‌یان له كۆبوونه‌وه‌ی دووباره‌ی كرێكارانی ئه‌و كارخانه گرت و ئه‌و دوو كرێكاره‌یان ده‌ستبه‌سه‌ر كرد.