له ڕۆژانی ڕابردوودا، هێزه‌كانی تالیبان به ده‌یان كچی لاویان له ناوچه‌ی ده‌شتی بۆرجی شاری كابۆل به بیانووی ڕه‌چاونه‌كردنی یاسای حیجابی ئیجباری ده‌ستبه‌سه‌ر كردووه.
به‌پێی زانیارییه‌كان، ئیداره‌ی ئه‌مری به مه‌عرووفی تالیبان هه‌ڕه‌شه‌ی له بنه‌ماڵه‌ی ده‌ستبه‌سه‌ركراوان كردووه و مه‌رجی بۆ داناون كه ئه‌گه‌ر له ڕێپێوانی پشتیوانی له یاسای حیجاب به‌شداری بكه‌ن، كچه‌كانیان ئازاد ده‌كات. هه‌روه‌ها به‌رپرسانی ئه‌و حكوومه‌ته كونه‌په‌ره‌سته گوشاری بۆ تاجره‌كان هێناوه تاكوو جلوبه‌رگی ناسك و ته‌نگ هاورده‌ی وڵات نه‌كه‌ن.