ڕۆژی پێنجشه‌ممه ١٧ی جۆزه‌ردان، “ڕه‌زا به‌برنژاد” برای گیانبه‌ختكردوو، “مێهدی به‌برنژاد” له گیانبه‌ختكردووانی شۆڕشی ژینان له شاری قووچان بۆ جارێكی دیكه له‌لایه‌ن هێزه ئه‌منیه‌تیه‌كانه‌وه ده‌ستبه‌سه‌ر كرا.
ده‌ستبه‌سه‌ركردنی “ڕه‌زا به‌برنژاد” له حاڵێكدایه كه ناوبراو به تازه‌یی ڕۆژی شه‌ممه ١٢ی جۆزه‌ردان، به دانانی وه‌سیقه له زیندان ئازاد كرابوو. ئه‌و برا دادخوازه ڕۆژی ٣١ی گوڵانی ١٤٠٣، به بیانووی دانانی ستۆرییه‌ك له‌سه‌ر مه‌رگی ئیبراهیم ڕه‌ئیسی، له هێرشی هێزه ئه‌منیه‌تیه‌كان بۆ سه‌ر ماڵه‌كه‌ی ده‌ستبه‌سه‌ر كرا. شایانی باسه كه “مێهدی به‌برنژاد” ته‌مه‌ن ٢٢ ساڵ، له ڕه‌وتی ناڕه‌زایه‌تیه‌كانی شۆڕشی ژینا به ته‌قه‌ی هێزه‌كانی ڕژیم له شاری قووچان گیانی به‌خت كردبوو.