له‌ماوه‌ی ڕۆژانی ڕابردوودا ١٤ هاووڵاتی و چالاكی مه‌ده‌نی له شاره جۆراوجۆره‌كانی ئێران له‌لایه‌ن هێزه ئه‌منییه‌كانه‌وه ده‌ستبه‌سه‌ر و چاره‌نووسیان نادیاره.
به‌پێی ڕاپۆرته‌كان، “ڕه‌زا ئیبراهیمی” خوێندكاری ئه‌ندازیاری زانكۆی تاران، “سۆران زه‌ندی” و “منسوور ڕه‌زایی” برای گیانبه‌ختكردووی ساڵی ٩٨ “ناسر ڕه‌زایی” خه‌ڵكی شاری سنه، “شاهۆ دڵ ئه‌نگیز” و “محه‌ممه‌د نه‌جاڕی” خه‌ڵكی مه‌ریوان، “هیوا به‌راری” خه‌ڵكی ڕه‌وانسه‌ر و دانیشتووی كرماشان، “سامان خادم” چالاكی ژینگه‌پازێز و شارومه‌ندی به‌هایی خه‌ڵكی شیراز، “محه‌ممه‌د به‌همه‌نی” نووسه‌ر و هونه‌رمه‌ندی خه‌ڵكی تاران، “دانیال خه‌یرئابادی” خوێندكاری زانكۆی فێرده‌وسی مه‌شهه‌د، “فه‌ریناز سه‌ڕافی” ده‌رهێنه‌ر و ئه‌كته‌ر تیاتری خه‌ڵكی تاران، “دكتور سه‌مانه مووسه‌وی” ددانپزیشكی دانیشتووی تاران، “فازڵ مینایی” خه‌ڵكی سه‌لاسی باوه‌جانی و “محه‌ممه‌د جه‌سووری” خه‌ڵكی شنۆ و “وریا ئه‌میری” خه‌ڵكی شاری كامیاران له‌لایه‌ن هێزه ئه‌منییه‌كانه‌وه ده‌ستبه‌سه‌ر و چاره‌نووسیان نادیاره.