سه‌ر له‌به‌یانی ڕۆژی شه‌ممه ٢٩ی مانگی گه‌لاوێژ، هاووڵاتییه‌كی خه‌ڵكی شاری بانه به‌ناوی “حامید مه‌حموودی” به‌مه‌به‌ستی جێبه‌جێكرانی حوكمی یه‌ك ساڵ به‌ندكرانه‌كه‌ی ده‌ستبه‌سه‌ر و بۆ زیندانی ئه‌و شاره گوازرایه‌وه.
به‌پێی ڕاپۆرته‌كان، “حامید مه‌حموودی” ته‌مه‌ن ٣٨ ساڵ، خێزاندار و دانیشتووی شاری بانه‌یه و پێشتر به تۆمه‌تی گلایه‌نگریكردن له یه‌كێك له حیزبه نه‌یاره‌كانی ڕژیم” سزای یه‌ك ساڵ زیندانی به‌سه‌ردا سه‌پابوو، ڕۆژی ڕابردوو به‌دوای بانگهێشتكردنی بۆ پۆلیسی ئه‌ماكنی بانه، ده‌ستبه‌سه‌ر و ڕاگوێزی زیندانی ناوه‌ندی ئه‌و شاره كرا.