له درێژه‌ی عه‌مه‌لیاتی پاككردنه‌وه‌ی شانه نووستووه‌كانی داعش له كه‌مپی بنه‌ماڵه‌ی داعشیه‌كانی “ئه‌لهۆڵ” له ڕۆژئاوای كوردستان، ڕۆژی یه‌كشه‌ممه ٦ی مانگی خه‌رمانان، شه‌ش ئه‌ندامی دیكه‌ی داعش ده‌ستبه‌سه‌ر و تونێله‌كانیان دۆزرایه‌وه.
له‌و عه‌مه‌لیاته‌دا هێزه‌كانی ئاسایش، تونێلێك و خانوویه‌كی نهێنیان كه شوێنی حه‌وانه‌وه‌ی تیرۆریستان بووه دۆزیوه‌ته‌وه و له‌ناویان بردووه. جێگای ئاماژه‌یه كه له كه‌مپی “هۆل”دا ٥٤ هه‌زار و ٣٩٠ په‌نابه‌ر و ئاواره‌ی شه‌ڕی تیدا ژیان ده‌كات كه ٢٧ هه‌زار و ٨١٦ كه‌سیان عێراقی و ١٨ هه‌زار و ٤٨٣ كه‌س سووری و ٨ هه‌زار و ٩١١ كه‌سیان بنه‌ماڵه‌كانی داعشن.