ڕۆژی یەکشەممە ٢٤ی مانگی ڕەزبەر، سێ ئەندامی بنەماڵەی “واران محەممەدنژاد” بە ناوەکانی “سەحەر وەهابی”، دایکی واران، “ویدا محەممەدنژاد”، خوشکی واران و “پەیام میری”، هاوژینی واران لە کاتێکدا کە بۆ بەدواداچوون لە چارەنووسی ناوبراو سەردانی گرتووخانه‌ی شارامفەری سنەیان کردبوو، دەستبەسەر کراون.
جێگای ئاماژه‌یه كه “واران محەممەدنژاد”، خوێندکاری کارناسیی هونەر لە زانکۆی یەزد و ئەندامی ئەنجومەنی فەرهەنگی-کۆمەڵایەتیی “نۆژین”، ڕۆژی ٢١ی ڕەزبەر، لەلایەن هێزە ئەمنییەکانەوە دەستبەسەر کرابوو.