ڕێكخراوی ڕوانگه‌ی مافی مرۆڤی سووری ڕۆژی یه‌كشه‌ممه ٢٠ی مانگی خه‌رمانان ڕایگه‌یاند: ده‌زگای ئمه‌منییه‌تی سووریه به‌هاوكای گرووپی حیزبۆڵڵا، ده‌یان ئه‌فسه‌ر و سه‌ربازی سووریه‌ییان به تۆمه‌تی سیخوڕیكردن بۆ ئیسڕائیل ده‌ستبه‌سه‌ر كردووه.
به پێی ڕاپۆرتی ڕێكخراوه‌یه، دوو ناوه‌ندی ئیتلاعاتی هێزی ئاسمانی و زانیاری نیزامی له سه‌ره‌تای مانگی سیپتامبره‌وه، ده‌یان ئه‌فسه‌ر و پله‌داری ئه‌رته‌شی سووریه‌یان له‌شاره‌كانی دیمه‌شق و حه‌له‌ب ده‌ستبه‌سه‌ر كردووه. ئه‌و كه‌سانه به‌وه تۆمه‌تباركراون كه پێگه‌ی جۆگرافیایی بنكه نیزامییه‌كانی حیزبۆڵڵا و سپای قودسیان به ئه‌رته‌شی ئیسڕائیل داوه و زانیاری ئیتلاعاتیان پێداون.