به‌پێی ئه‌و وێنانه‌ی له سه‌قزه‌وه به ده‌ستمان گه‌یشتووه، خه‌ڵكی ئه‌و شاره پاش بیستنی هه‌واڵی كوژرانی سه‌ید حه‌سه‌ن نه‌سرۆڵڵا، سه‌رۆكی حیزبۆڵڵای لوبنان ئاهه‌نگیان گێڕاوه.
ڕۆژی هه‌ینی ٦ی ڕه‌زبه‌ری ١٤٠٣، ئه‌رته‌شی ئیسڕائیل كۆبوونه‌وه‌ی فه‌رمانده‌كانی حیزبۆڵڵای له گه‌ڕه‌كی زاحیه‌ی به‌یرووت كرده ئامانج و له ئاكامی ئه‌و هێرشه‌دا، سه‌ید حه‌سه‌ن نه‌سرۆڵڵا و كۆمه‌ڵێك له فه‌رمانده و به‌رپرسه‌كانی ئه‌و حیزبه كوژران. بڵاو بوونه‌وه‌ی ئه‌و هه‌واڵه شه‌پۆلێك له شایی و خۆشی له نێو خه‌ڵكی ئێران و ناوچه‌كه ساز كرد و خه‌ڵكی كوردستان و به تایبه‌ت شاری له دایكبوونی ژینا ئه‌مینی خۆشحاڵییان ده‌ربڕی.