ڕۆژی پێنجشه‌ممه ٢٨ی سه‌رماوه‌ز، كرێكارانی شیركه‌تی ڕه‌یلی سه‌نعه‌تكارانی زاهێدان بۆ دووهه‌مین جار له‌ماوه‌ی ئه‌م حه‌فته‌یه‌دا، له ناڕه‌زایه‌تیی به په‌رداخت نه‌كردنی حه‌قده‌ست و مه‌زایا دواخراوه‌كانیان ده‌ستیاندایه كۆبوونه‌وه.
ئه‌م كرێكارانه كه له دژوارترین بارودۆخی ژیاندا ده‌ژین، خوازیاری په‌رداختی سه‌رجه‌م حه‌قده‌سته دواخراوه‌كانیانن و ده‌ڵێن، په‌رداخت نه‌كردنی حه‌قده‌سته‌كانیان له‌م بارودۆخه ئابوورییه‌ی ئێستادا و هه‌روه‌ها چوونه‌سه‌ره‌وه‌ی قیمه‌تی پێداویستییه‌كانی ژیان، كێشه‌وگرفتێكی زۆری بۆ ئه‌وان و بنه‌ماڵه‌كانیان له بواری دابین كردنی بژێوی ژیانیان پێكهێناوه.