ڕۆژی دووشه‌ممه ١٥ی ڕه‌زبه‌ر، كرێكارانی كارخانه‌ی ئازه‌ر ئابی ئه‌راك بۆ جارێكی دیكه له ناڕه‌زایه‌تیی به په‌رداخت نه‌كردنی حه‌قده‌سته‌كانیان و دیاری نه‌كردنی سه‌هامی ئه‌م شیركه‌ته له به‌رامبه‌ر ده‌رگای چوونه‌ژووره‌وه‌ی ئه‌م شیركه‌ته ده‌ستیان دایه كۆبوونه‌وه.
به پێی ئه‌م ڕاپۆرته، هێزه‌كانی ڕژیم كه له به‌رامبه‌ر ده‌رگای چوونه‌ژووره‌وه‌ی ئه‌م شیركه‌ته پێشیان به هاتنه ده‌رێ كرێكاران له‌م شیركه‌ته گرتبوو، له‌گه‌ڵ كرێكارانی ناڕازیی تێكهه‌ڵچوون و له كاردانه‌وه‌ی كرێكاران، ده‌ستیان كرد به هاویشتنی گازی فرمێسكرێژ. شایانی باسه، هه‌تا كاتی بڵاوبوونه‌وه‌ی ئه‌م هه‌واڵه ناڕه‌زایه‌تییه‌كان هه‌روا به‌رده‌وامه و كرێكاران له هه‌وڵدان كه هێزه ئه‌منییه‌كان، له شیركه‌ت بكه‌نه ده‌ره‌وه.