کۆمەڵە_رێكخراوی كوردستانی حیزبی كۆمونیستی ئیران
جیهان هه‌واڵه‌کان

درێژه‌ی خۆپیشاندانی دژه‌ ده‌وڵه‌تی له‌ شیلی

به‌ پێی ڕاپۆرتی هه‌واڵنێریی فه‌ڕانسه‌، له‌ ئه‌نجامی خۆپیشاندانه‌كانی ڕۆژی هه‌ینی له‌ شاری “سانتیاگۆ” پێته‌ختی شیلی، كۆمه‌ڵێك له‌ ناڕازییان له‌ لایه‌ن هێزه‌ ئه‌منییه‌كانی ئه‌م وڵاته‌وه‌ كرانه‌ ئامانج و به‌هۆیه‌وه‌ ژماره‌یه‌ك گیانیان له‌ده‌ستدا و برینداربوون.

به‌ پێی ئه‌م ڕاپۆرته‌، خۆپیشاندانه‌كانی ڕۆژی هه‌ینی له‌ زومره‌ی توندترین گرژییه‌كان بوو له‌ نێوان خۆپیشانده‌ران و هێزه‌كانی پۆلیس. شایانی باسه‌، هێزه‌كانی دژه‌ شۆڕش له‌ گۆڕه‌پانی “ئیتالیا” به‌ توندترین شێوه‌ له‌گه‌ڵ خۆپیشانده‌ران تێكهه‌ڵچوون و پێشیان به‌هه‌ر جۆره‌ كۆبوونه‌وه‌یه‌ك گرتووه‌. له‌ ئه‌نجامی ئه‌م خۆپیشاندانه‌، هێزه‌كانی پۆلیس بۆ بڵاوه‌پێكردن به‌ خۆپیشانده‌ران گازی فرمێسكڕێژ و ماشینی ئاوپاشیان به‌كار هێناوه‌. هاوكات خۆپیشانده‌ران به‌ هاویشتنی به‌رد و ئاگرتێبه‌ردانی زبڵدانه‌كان، كاردانه‌وه‌یان نیشان داوه‌. جێگه‌ی ئاماژه‌یه‌، ماوه‌ی دوو مانگه‌ كه‌ وڵاتی شیلی شایه‌تی ناڕه‌زایه‌تیی به‌ربڵاوی دژه‌ ده‌وڵه‌تییه‌. ناڕه‌زایه‌تییه‌ك كه‌ له‌ ڕێكه‌وتی ١٨ی ئۆكتۆبره‌وه‌ و له‌ ئێعتراز به‌ چوونه‌سه‌ره‌وه‌ی قیمه‌تی بلیتی مێترۆ ده‌ستی پێكردووه‌ و هه‌تا ئێستا به‌هۆیه‌وه‌ ٢٤ خۆپیشانده‌ر گیانیان له‌ده‌ستداوه‌ و به‌ هه‌زاران كه‌سیش برینداربوون. ئه‌مه‌ له‌كاتێكدایه‌ كه‌ ده‌وڵه‌تی شیلی به‌ڵێنی داوه‌ كه‌ به‌ره‌نگاری نایه‌كسانی ئابووری له‌م وڵاته‌ ببێته‌وه‌، به‌ڵام به‌ڵێنه‌كانی ده‌وڵه‌ت هه‌تا ئێستا نه‌بووه‌ته‌ جێی ڕه‌زامه‌ندی ناڕازییان.

بابەتی پەیوەندیدار

په‌ره‌سه‌ندنی شه‌پۆلی ناڕه‌زایه‌تی ده‌ربڕینی هاووڵاتییان له‌ شاره‌كانی ئێران

komalah

به‌رده‌وامی كۆبوونه‌وه‌ی كرێكارانی شێركه‌ته‌كانی نه‌وت و گاز

komalah

مانگرتنی چالاکێکی مەدەنی و هاوکات بانگهێشتی چالاکێکی سنفیی لە شاری مەریوان

komalah

پەروەندەسازی ناوەندە ئەمنییەکانی ڕژیم لە دژی چالاکانی پیشەیی و مامۆستایان 

komalah

دۆخی نالەباری ژیانی کرێکارانی شارەداری مەریوان

komalah

دەستبەسەرکرانی ٥ هاووڵاتیی لە سنوورەکانی بانە

komalah