ڕاپۆرته‌كان له لوبنان باس له‌وه ده‌كه‌ن كه سه‌ره‌ڕای دانانی سه‌رۆك وه‌زیرانی نوێ، خۆپیشاندانه‌كان هه‌روا به‌رده‌وامه.
به پێی ڕاپۆرتی كاربه‌ده‌ستان پله باڵا و چاپه‌مه‌نییه‌كانی لوبنان، پارته سه‌ره‌كییه‌كانی لوبنان له‌سه‌ر هه‌ڵبژاردنی “محه‌ممه‌د سه‌فدی” وه‌زیری ئابووری ئه‌م وڵاته گه‌یشتوونه‌ته ڕێككه‌وتن. پێشتر “سه‌عد حه‌ریری” به‌هۆی په‌ره‌سه‌ندنی خۆپیشاندانه‌كان له‌م وڵاته‌ن له ڕۆژی ٢٩ی ئۆكتۆبر ده‌ست له‌كار كێشانه‌وه خۆی ڕاگه‌یاندبوو. هێشتا هه‌ڵبژاردنی سه‌رۆك وه‌زیرانی نوێ له لایه‌ن “میشێل عۆن” سه‌رۆك كۆماری لوبنان به شێوه‌ی ڕه‌سمی ڕانه‌گه‌یه‌ندراوه. شایانی باسه، سه‌ره‌تای ئه‌م حه‌فته‌یه، میشێل عۆن ڕایگه‌یاندبوو كه به‌نیازه ده‌وڵه‌تێك پێكهاتوو له ڕێبه‌رانی سیاسیی و تێكنۆكرات پێكبێت. ئه‌مه له حاڵێكدیه كه خه‌ڵكی ناڕازیی له لوبینان خوازیاری ده‌ست له‌كار كێشانه‌وه‌ی سه‌رجه‌م كاربه‌ده‌ستانی ئێستا و پێكهێنانی ده‌وڵه‌تێكی سه‌ربه‌خۆ و تێكنۆكراتن. پێویسته ئاماژه بكرێت كه خۆپیشاندانه‌كان له لوبنان سه‌ره‌تا له كاردانه‌وه به چوونه‌سه‌ره‌وه‌ی ماڵیات ده‌ستی پێكرد، به‌ڵام ده‌ست له‌كار كێشانه‌وه ده‌وڵه‌ت بوو به گرینگترین خواستی ناڕازییان.