کۆمەڵە_رێكخراوی كوردستانی حیزبی كۆمونیستی ئیران
ئێران

درێژه‌ی ناڕه‌زایه‌تی ئێرانیانی تاراوگه‌ ددژبه‌ ڕژیمی كوماری ئیسلامی

كۆمه‌ڵێك له‌ ئێرانیان له‌ شاره‌كانی نیۆیۆرك، ئیسلام ئابادی پاكیستان، پاریس، كۆڵن، فڕانكفۆرت و ئیستانبوول، ڕۆژی چوارشه‌ممه‌ ٣٠ی مانگی خه‌رمانان، به‌ كۆبوونه‌وه‌ له‌به‌رده‌م سه‌فاره‌ته‌كانی كۆماری ئیسلامی، ناڕه‌زایه‌تی خۆیان له‌ئاست كوشتنی “مه‌هسا ئه‌مینی” و سه‌ركوتی بێ به‌زه‌یانه‌ی خۆپێشانده‌ران له‌لایه‌ن ڕژیمی كۆماری ئیسلامییه‌وه‌ نیشاندا.

به‌پێی ڕاپۆرته‌كان، ناڕازیان له‌ شاری نیۆیۆرك له‌به‌رامبه‌ر مه‌قه‌ڕی نه‌ته‌وه‌یه‌كگرتووه‌كان كۆبوونه‌وه‌ و له‌ئاست سه‌فه‌ری ئیبراهیم ڕه‌ئیسی بۆ ئه‌و شاره‌ و به‌شداریكردنی له‌ كۆبوونه‌وه‌ی گشتی ئه‌و ڕێكخراوه‌یه‌، ناڕه‌زایه‌تییان ده‌ربڕی. به‌شداربووان به‌ وتنه‌وه‌ی دروشمی “ژن، ژیان، ئازادی” هاوده‌نگی خۆیان له‌گه‌ڵ خه‌ڵكی ناڕازی كوردستان و ئێران نیشاندا. له‌لایه‌كی دیكه‌وه‌ ئێرانیان له‌ شاره‌كانی دیكه‌ی ئۆرووپا وه‌كوو پاریس، كۆڵن و فڕانكفۆرت، كۆبوونه‌وه‌ی هاوشێوه‌یان به‌ڕێوه‌برد و به‌ وتنه‌وه‌ی دروشم و به‌ده‌سته‌وه‌گرتنی وێنه‌ی “ژینا”، خوازیاری هه‌ڵچنینی گه‌شتی ئێرشاد و سزادانی تاوانبارانی ئه‌و ڕووداوه‌بوون. هه‌روه‌ها ئێرانیان له‌شاری ئیستانبوولی توركیا، له‌ ڕێپێوانێكی ناڕه‌زایه‌تیدا پاڵپشتی خۆیان بۆ خه‌ڵكی ناڕازی ئێران ده‌ربڕی و دواجار له‌به‌رده‌م كونسوولی كۆماری ئیسلامی له‌و شاره‌ كۆبوونه‌وه‌.

بابەتی پەیوەندیدار

كۆبوونه‌وه‌ی ناڕه‌زایه‌تی خه‌ڵكی بومه‌له‌رزه‌لێدراوی خۆی له‌به‌رده‌م فه‌رمانداری

-

له‌سێداره‌دانی دوو به‌ندكراو‌ له‌ زیندانه‌كانی ماكۆ و كرماشان

-

سەپاندنی سزای زیندان به‌سه‌ر مێرمنداڵێكی خه‌ڵكی سه‌راوڵه‌ی ئیلام

-

ناڕه‌زایه‌تی پێرسۆنێلی زانیاری پزیشكی ئابادان

-

سه‌پاندنی سزای زیندان و شه‌لاق به‌سه‌ر پێنج خوێندكار له‌ ئێران

-

سه‌پاندنی گه‌مارۆ به‌سه‌ر ٧ ناوه‌ندی نیزامی ڕژیم له‌لایه‌ن ئامریكاوه‌

-