کۆمەڵە_رێكخراوی كوردستانی حیزبی كۆمونیستی ئیران
ئێرانهه‌واڵه‌کان

درێژه‌ی ناڕه‌زایه‌تییه‌كان له‌ چه‌ند شاری ئێران

ڕۆژی هه‌ینی ٨ی مانگی ڕه‌زبه‌ر، خه‌ڵكی ناڕازی له‌ شاره‌كانی ئه‌هواز، مه‌شهه‌د، سنه‌، سه‌قز، كرمان، به‌نده‌ر عه‌باس، بۆكان، ئابادان، لاهیجان، سه‌راوان، دزفوول، ئه‌رده‌بیل، گه‌وهه‌رده‌شتی كه‌ره‌ج، بۆجنۆرد و زاهیدان دژبه‌ ده‌سه‌ڵاتی كۆماری ئیسلامی ڕژانه سه‌ر شه‌قام و له‌گه‌ڵ هێزه‌كانی ڕژیم تێكهه‌ڵچوون.

به‌پێی ڕاپۆرته‌كان، خه‌ڵكی ئازادیخوازی شاری ئه‌هواز له‌ ئێواره‌ی ڕۆژی هه‌ینیه‌وه‌ دژبه‌ سه‌ركوتی خوێناوی ڕژیمی كۆماری ئیسلامی ڕژانه‌ سه‌ر شه‌قام و له‌گه‌ڵ هێزه‌كانی ڕژیم تێكهه‌ڵچوون، له‌شاری مه‌شهه‌دیش لاوانی بوێری ئه‌و شاره‌ له‌ چه‌ند ناوچه‌ شه‌قامه‌كان داخست و ڕووبه‌ڕووی هێزه‌ سه‌ركوتگه‌ره‌كانی ڕژیم بوونه‌وه‌، هه‌روه‌ها له‌شاره‌كانی سه‌قز و سنه‌ش خه‌ڵكی خۆڕاگری ئه‌و شارانه‌ بۆ جارێكی دیكه‌ به‌ دروشمیمه‌رگ بۆ دیكتاتۆرڕژانه سه‌ر شه‌قام و له‌گه‌ڵ هێزه‌كانی ڕژیم تێكهه‌ڵچوون، له‌شاری كرمان لاوانی شۆڕشگێڕ به‌ دروشمیژن، ژیان، ئازادیومه‌رگ بۆ دیكتاتۆرشه‌قامه‌كانی ئه‌و شاره‌یان هه‌ژاند و خه‌ڵكی ئازای زاهیدان پاش نوێژی هه‌ینی له‌ ناڕه‌زایه‌تی به‌ ده‌ستدرێژی سێكسی فه‌رمانده‌یه‌كی پۆلیس بۆ سه‌ر كچێكی منداڵ كۆبوونه‌وه‌، به‌ڵام له‌لایه‌ن هێزه‌كانی ڕژیمه‌وه‌ هێرشیان كرایه‌ سه‌ر و شه‌ڕ و پێپكدادان ده‌ستیپێكرد، هێزه‌ سه‌ركوتگه‌ره‌كانی ڕژیم وڵامی ناڕه‌زایه‌تی خه‌ڵكیان به‌ ده‌ستڕێژی گولله‌ دایه‌وه‌ و به‌هۆیه‌وه‌ ٣٦ كه‌س كوژراو و برینداربوون، به‌ پێی دوایین زانیاری خه‌ڵكی به‌لووچ به‌ چه‌ك ڕووبه‌رووی هێزه‌كانی ڕژیم بوونه‌ته‌وه‌ و كه‌ڵانته‌ری شیراباد و چه‌ند ناوه‌ندی حكوومی و چه‌ندین ئۆتۆمبێلی سه‌ركوتگه‌رانیان ئاگرداوه‌ و شه‌قامه‌كانی ئێستا له‌ كونتڕۆڵی لاوانی به‌لووچ دایه‌، ڕژیمی دڕنده‌ی كۆماری ئیسلامی بۆ سه‌ركوتی خه‌ڵكی به‌لووچ هێلی كۆپته‌ری به‌كار هێناوه‌ و به‌ چه‌كی قورس ته‌قه‌ له‌ خه‌ڵك ده‌كات، تا ئه‌م كاته ناسنامه‌ی چوار كه‌س له‌ گیانبه‌ختكردووان ئاشكرا بووه‌ كه‌ بریتیه‌ له‌: “مه‌حموود به‌راهوویی،ئه‌مینوڕافێع نارووییوجه‌لیل ڕه‌خشانی، دوایین زانیارییه‌كان باس له‌ كوژرانی فه‌رمانده‌ی ئیتلاعاتی زاهیدان و برینداربوونی قازی له‌قی ٢ی دادگای ئینقلابی سه‌راوان و چه‌ند پاسداری دیكه‌ ده‌كه‌ن.

بابەتی پەیوەندیدار

كۆبوونه‌وه‌ی ناڕه‌زایه‌تی خه‌ڵكی بومه‌له‌رزه‌لێدراوی خۆی له‌به‌رده‌م فه‌رمانداری

-

كوژرانی ژنێک لەلایەن هاوسەری پیشوویەوە له‌ كامیاران

-

له‌سێداره‌دانی دوو به‌ندكراو‌ له‌ زیندانه‌كانی ماكۆ و كرماشان

-

سەپاندنی سزای زیندان به‌سه‌ر مێرمنداڵێكی خه‌ڵكی سه‌راوڵه‌ی ئیلام

-

گوشاری ناوه‌نده‌ ئه‌منیه‌تیه‌كان بۆ سه‌ر پارێزه‌رێكی خه‌ڵكی سه‌قز

-

گیانبه‌ختكردنی شه‌ش گه‌ریلای ژن له‌ ئۆپراسیۆنی ئه‌رته‌شی توركیا له‌ شڕناخ

-