کۆمەڵە_رێكخراوی كوردستانی حیزبی كۆمونیستی ئیران
ئێران

درێژه‌ی ناڕه‌زایه‌تییه‌كان له‌ چه‌ند شاری ئێران

شه‌وی پێنجشه‌ممه‌ ١٨ی مانگی سه‌رماوه‌ز، خه‌ڵكی شۆڕشگێڕی ئێران له‌ چه‌ند شار دژبه‌ ڕژیمی جه‌نایه‌تكاری كۆماری ئیسلامی ڕژانه سه‌ر شه‌قام و خوازیاری ڕاگرتنی ئێعدامه‌كان و ئازادی ته‌واوی زیندانیانی سیاسی بوون.

به‌پێی ڕاپۆرته‌كان، خه‌ڵكی تاران پاش ئێعدامی “موحسین شكاری” له‌لایه‌ن ڕژیمه‌وه‌ له‌ شه‌قامی سه‌تارخان ڕژانه سه‌ر شه‌قام و دژبه‌ ده‌سه‌ڵاتی ئیسلامی دروشمیان به‌رزكرده‌وه‌، هه‌روه‌ها له‌ شاری نكای مازه‌نده‌ران لاوانی شۆڕشگێڕ دادگوسته‌ری ئه‌و شاره‌یان ئاگر دا و له‌ یه‌زد كۆمیته‌ی ئیمدادی ئه‌و شاره‌ له‌لایه‌ن ئازادیخوازانه‌وه‌ سووتێندرا، له‌ شاری سنه‌ و سه‌قز لاوانی بوێر له‌ ناڕه‌زایه‌تی به‌ گیانبه‌ختكردنی “هوومه‌ن عه‌بدۆڵڵاهی” شه‌قامه‌كانیان داخست و دژبه‌ عه‌لی خامنه‌یی و كۆماری ئیسلامی دروشمیان وته‌وه‌، له‌لایه‌كی دیكه‌وه‌ خوێندكارانی زانكۆی “ته‌ربیه‌ت موده‌ڕس” وێڕای كه‌ش و هه‌وای ئه‌منییه‌تی كۆبوونه‌وه‌ی ناڕه‌زایه‌تییان به‌ڕێوه‌برد و دروشمه‌كانی “ژن، ژیان، ئازادی”، “مه‌رگ بۆ دیكتاتۆ”، “زیندانی سیاسی ئه‌بێ ئازادبكرێت” و چه‌ندین دروشمی دیكه‌یان به‌رزكرده‌وه‌، هه‌روه‌ها خوێندكارانی زانكۆی ئازادی قوم له‌ ناڕه‌زایه‌تی به‌ سه‌فه‌ری جێگری ئیبراهیم ڕه‌ئیسی بۆ ئه‌و زانكۆیه‌ كۆبوونه‌وه‌ی ناڕه‌زایه‌تییان به‌ڕێوه‌برد و له‌ زانكۆ كردیانه ده‌ره‌وه‌. له‌لایه‌كی دیكه‌وه‌ خوێندكارانی زانكۆی خواجه نه‌سیر له‌به‌یاننامه‌یه‌كدا ڕایانگه‌یاند تا ئه‌و كاته‌ی ته‌واوی زیندانیان سیاسی ئازاد نه‌كرێن و كۆتایی به‌ كه‌ش و هه‌وای ئه‌منی له‌ نێو زانكۆكاندا نه‌هێندرێت، ده‌ست له‌ مانگرتن هه‌ڵناگرن و كلاسه‌كانی ده‌رس داده‌خه‌ن.

بابەتی پەیوەندیدار

مانگرتنی موعه‌لیمانی ژن له‌ به‌ریتانیا

-

گیانله‌ده‌ستدانی ١٢ منداڵی به‌لووچ به‌هۆی نوقم بوون له‌ هووته‌ك

-

كۆبوونه‌وه‌ی كرێكارانی شاغڵ له‌ ڕێكخراوی ڕێگه‌ی ئاسنی كرمان

-

ڕێپێوانی خانه‌نشینكراوانی سه‌نعه‌تی فولاد له‌ چه‌ند شاری ئێران

-

ناڕه‌زایه‌تی كرێكارانی شاره‌داری له‌ ئێرانشار

-

كۆبوونه‌وه‌ی سه‌رانسه‌ری موعه‌لیمانی خانه‌نشینكراو له‌ تاران

-