ڕۆژی یه‌كشه‌ممه ٢٧ی ڕه‌شه‌مه، خه‌ڵكی ئازادیخواز له گونده‌كانی پیرانشار، شاباد،مهاباد، له‌یلاخ و سه‌رده‌شت ئاگری نه‌ورۆزیان داگیرساند و به‌ره‌و پیری ساڵی نوێی هه‌تاوی چوون.
به‌پێی ئه‌و ویدیۆیانه‌ی به ده‌ستمان گه‌یشتووه، خه‌ڵكی ئازادیخواز له گردی نه‌ورۆز و ناوچه‌ی بادیناوێی پیرانشار، گوندی “گوڵێ”ی مهاباد، گوندی ته‌رواڵی له‌یلاخ و شاری شاباد ئاگری نه‌ورۆزیان به دروشمی “ژن،ژیان،ئازادی” هه‌ڵكردووه و به بڵاوكردنی مۆسیقا و له‌به‌ركردنی جلی كوردی، به ده‌وری ئاگری سه‌ركه‌وتن دا سه‌مایان كردووه.