ڕۆژی چوارشه‌ممه ٤ی ڕه‌زبه‌ری ١٤٠٣، كرێكارانی شاغڵ له مه‌عده‌نی به‌ردی خه‌ڵۆزی ته‌زره‌ی دامغان، بۆ سێهه‌مین ڕۆژی به‌رده‌وام دژبه نه‌بوونی ئه‌منیه‌تی پیشه‌یی درێژه‌یان به مانگرتن دا.
پاش ته‌قینه‌وه‌كه‌ی مه‌عده‌نی ته‌به‌س و گیانله‌ده‌ستدانی ٥٣ كارگه‌ر، كرێكارانی مه‌عده‌نی ته‌زره‌ی دامغان بۆ پشتیوانی له بنه‌ماڵه‌ی قوربانیان و هاوكاره‌كانیان له سه‌راسه‌ری ئێران، دژبه نه‌بوونی ئه‌منیه‌تی پیشه‌یی مانیان گرت. نزیكه‌ی هه‌زار و ٤٠٠ كرێكاری ئه‌و كانگایه خوازیاری دابینكردنی ئه‌منیه‌تی پیشه‌یی، زیادكردنی حه‌قده‌ست، پێدانی مه‌زایا، وه‌لانانی په‌یمانكار، ته‌زمینی ئه‌منیه‌تی كاری، دابینكردنی بیمه‌ی ده‌رمانی و ئیمكاناتی ڕیفاهی بوون.