رۆژی یەکشەممە، سەرچاوەیەک لە هەرێمی عەفرینی رۆژئاوای کوردستانەوە بە میدیاکانی راگەیاند، شەڕ لە نێوان میلیشیاکانی تورکیە بە ناوی “جبهەی شامییە” و تەحریری شام ڕوویداوە و لە ئاکامی ئەو شەڕەدا میلیشیاکانی تورکیە پاشەکشە دەکەن و دەستەی تەحریری شام شوێنەکانیان کۆنترۆڵ دەکات.
لەم پێوەندەدا سەرۆکی رێکخراوی مافی مرۆڤ لە عەفرین رایگەیاند: “سەرلەبەیانی ڕۆژی یەکشەممە شەڕ لەنێوان چەکدارانی “تەحریری شام و جەبهە شامیە” لە گوندی بابدا روویداوە و هەردوو لایەنەکە و کوژراو و برینداریان لێ کەوتووەتەوە و پاشان لە ئاکامی ئەو شەڕەدا چەکدارانی تەحریری شام ڕۆژئاوای شاری عەفرینیان داگیر کردووە و چوار كهسی مەدەنی خەڵکی شاری عەفرینیش بەدەستی ئەو چەکدارانە کوژراون.