ڕۆژی دووشه‌ممه ٧ی ڕه‌شه‌مه، مه‌عده‌نێكی كرۆمیت له شارستانی خارپێتی سه‌ر به باكووری كوردستان به هۆكارێكی نادیار داڕما و به‌هۆیه‌وه چوار كرێكار له ژێر داروپه‌ردوودا مانه‌وه.
به‌پێی زانیارییه‌كان، تیمه‌كانی فریاگوزاری خێرا و ئاگركوژێنه‌وه زوو خۆیان گه‌یاندووه‌ته شوێنی ڕووداوه‌كه و پاش چه‌ند كاتژمێر توانیان سێ كرێكار له ژێر خاك و داروپه‌ردوودا ڕزگا بكه‌ن، به‌ڵام چاره‌نووسی كرێكاری چواره‌م نادیاره و گه‌ڕان به‌دوایدا به‌رده‌وامه. شایانی باسه كه دوو حه‌فته له‌وه‌به‌ریش به‌هۆی داڕمانی مه‌عده‌نێكی زێڕ له پارێزگای ئه‌رزه‌نجان له باكووری كوردستان، ٩ كرێكار گیانیان له‌ده‌ست دابوو.