کۆمیتەی سەربەخۆی دۆزینەوەی ڕاستییەکانی سه‌ر به نەتەوە یەکگرتووەکان، لە پەیامێکی فەرمیدا داوای ئازادکردنی دەستبەجێ و بێ شه‌رت و مەرجی نەرگس محەممەدی، براوەی خەڵاتی ئاشتی نۆبڵ، ڕۆژنامەنووس و داکۆکیکاری مافی مرۆڤ لە زیندانی ئێڤینی تاران کرد.
ئەم کۆمیتەیە لە پەیامەکەیدا، بە ئاماژەدان بە چالاکی، کاتی زیندانیکردن و ئازاری ئەم زیندانییە سیاسییە، ڕایگه‌یاندووه: “بەپێی ئەو ڕاپۆرتانەی دەستیان کەوتووە، بەرپرسانی زیندان چەندین جار نەرگس محەممەدیان لە وەرگرتنی خزمەتگوزارییە پزیشکییەکان بێبەش کردووە و ئەم كرده‌وه‌یه، بەشێکە لە هه‌ڵسووكه‌وتی وه‌حشیانه‌ی مه‌ئموورانی ڕژیم بۆ ئه‌شكه‌نجه و ئازای به‌ندكراوان، بەتایبەت، داکۆکیکارانی مافی مرۆڤ، ڕۆژنامەنووسان و نووسەران، کە دەبێت ڕابگیرێت. کۆمیتەی سەربەخۆی دۆزینەوەی ڕاستییەکان له كۆتایی دا سه‌باره‌ت به درووستبوونی مه‌ترسی له‌سه‌ر ژیانی ئه‌و به‌ندكراوه سیاسییه هۆشداری به به‌رپرسانی قه‌زایی كۆماری ئیسلامی دا و خوازیاری ئازادی بێ شه‌رت و مه‌رجی بوو.