کۆمەڵە_رێكخراوی كوردستانی حیزبی كۆمونیستی ئیران
كوردستان

داواكاری ٣٤ حزبی سیاسیی له‌ هاوپه‌یمانی نێوده‌وڵتی بۆ داخستنی ئاسمانی ڕۆژئاوای کوردستان

ڕۆژی سێشه‌ممه‌ ٧ی مانگی پووشپه‌ڕ، ٣٤ حزب و لایەنی سیاسیی ڕۆژئاوای کوردستان له‌ كۆبوونه‌ویه‌كی هاوبه‌شدا، داوایان لە هاوپەیمانیی نێودەوڵەتیی و ڕووسیا كرد، ئاسمانی باکوور و ڕۆژهەڵاتی سووریا به‌سه‌ر فڕۆكه‌كانی توركیا دابخەن و ڕێگری بكه‌ن لە كۆمه‌ڵكۆژكردنی خه‌ڵكی ناوچه‌كه‌.

به‌پێی ڕاپۆرته‌كان، ٣٤ حزب و لایەنی سیاسیی باکوور و ڕۆژهەڵاتی سووریا لە کۆنگرەیەکی ڕۆژنامەنووسیدا لە ناوەندی لێکۆڵینەوە و ڕاوێژی سیاسی شاری “قامیشلوو”، به‌یاننامه‌یه‌كیان ئاراستەی هاوپەیمانیی نێودەوڵەتیی و ڕووسیا کرد و تێیدا داوایانكرد، ئاسمانی ناوچه‌كه‌ به‌سه‌ر فرۆكه‌كانی توركیا دابخه‌ن. جێگای ئاماژه‌یه‌ كه‌ ڕۆژی ڕابردوو “ڕه‌جه‌ب ته‌یه‌ب ئه‌ردۆغان” سه‌رۆككۆماری توركیا بۆ جارێكی دیكه‌ هه‌ڕه‌شه‌كانی بۆ هێرشكردنه‌سه‌ر ڕوژئاوای كوردستان دووپاتكردووه‌ و ڕایگه‌یاند: به‌م زووانه‌ هێرشێكی به‌ربڵاو بۆ سه‌ر باكووری سووریه‌ ئه‌نجام ده‌ده‌ین. هه‌ر دوێنێ به‌هۆی هێرشی فڕۆكه‌ بێ فڕۆكه‌وانه‌كانی توركیا بۆسه‌ر ناوچه‌كانی “دێرك” و “قامیشلوو” چه‌ند كه‌س به‌سه‌ختی برینداربوون كه‌ باری ته‌ندرووتی دوو كه‌سیان ناجێگیره‌.

بابەتی پەیوەندیدار

گیانبه‌ختكردنی دوو لاوی خه‌ڵكی شاباد و ساری له‌ گرتووخانه‌ی ئیتلاعات

-

مانگرتن له‌ خواردنی چالاكێكی مه‌ده‌نی كورد له‌ زیندانی ئێڤین

-

ئازادی “ئه‌سكه‌نده‌ر لوتفی” و “مه‌سعوود نیكخواه” به‌ دانانی بارمته

-

نادیاری چاره‌نووسی ١٣ هاووڵاتی ده‌ستبه‌سه‌ركراوی ڕۆژهه‌ڵاتی كوردستان

-

به‌ڕێوه‌چوونی ڕێوڕه‌سمی چله‌ی ماته‌مینی دوو گیانبه‌ختكردووی شاری سنه‌

-

گوڵبارانی گڵكۆی گیانبه‌ختكردووانی شاری بۆكان له‌لایه‌ن ژنانی شۆڕشگێڕه‌وه‌

-