سه‌دان كه‌س له پێرسۆنێلی ده‌رمانی نه‌خۆشخانه‌كانی ورمێ ڕۆژی پێنجشه‌ممه ١٧ی مانگی خاكه‌لێوه دژبه په‌رداخت نه‌كردنی حه‌قده‌سته دواخراوه‌كانیان خۆپێشاندانیان كرد.
به‌پێی ڕاپۆرته‌كان، به‌شداربووانی ئه‌و كۆبوونه‌وه له‌به‌شی خزمه‌تگوزاری نه‌خۆشخانه‌كانی ورمێ كار ده‌كه‌ن و سه‌ر به شیركه‌تی په‌یمانكاری “ده‌ریای نیلگونن” و تا ئێستا چه‌ندین جار له ئاست په‌رداخت نه‌كردنی حه‌قده‌ست و مه‌زایا دواخراوه‌كانیان ناڕه‌زایه‌تیان ده‌ربڕیوه به‌ڵام به‌رپرسانی نه‌خۆشخانه و شیركه‌ت وڵامده‌ره‌وه‌ی داواكارییه‌كانیان نه‌بوون. به‌وته‌ی ناڕازیان، قه‌رارداده‌كانیان یه‌ك ساڵه‌یه و ئه‌و بڕه پاره‌یه‌ی پێیان ده‌ده‌ن زۆر كه‌مه و هه‌ر كات ناڕه‌زایه‌تی ده‌رئه‌بڕن هه‌ڕه‌شه‌ی ده‌ركردنیان لێ ده‌كه‌ن.