شه‌وی هه‌ینی ٢ی مانگی به‌فرانبار، هەزاران کورد لە بەردەم ناوەندی كه‌لتووری “ئەحمەد کایا” كه هێرشه نیژادپه‌ره‌ستانه‌كه‌ی تێدا ئه‌نجام درابوو کۆبوونه‌وە.
به‌پێی ڕاپۆرته‌كان، پاش بڵاوبوونه‌وه‌ی هه‌واڵی هێرشی چه‌كداری بۆ سه‌ر ئه‌و ناوه‌نده و گیان له‌ده‌ستدانی سێ كه‌س و برینداربوونی هه‌شت كه‌سی دیكه، به هه‌زاران كوردی دانیشتووی فه‌ڕانسه له شاره جۆراوجۆره‌كانی ئه‌و وڵات خۆیان گه‌یانده شوێنی ڕووداوه‌كه له شاری پاریس و دژبه فكریه‌تی فاشیستانه دروشمیان به‌رز كرده‌وه.