ڕۆژی هه‌ینی ١٨ی جۆزه‌ردان، دژبه‌رانی ئه‌ردۆغان له شاره‌كانی جووله‌مێرگ له باكووری كوردستان و ئیستانبوول له توركیا، دژبه دانانی قه‌یووم له جێگه‌ی شاره‌داری هه‌ڵبژێردراوی ده‌م پارتی رژانه سه‌ر شه‌قام و خۆپێشاندانیان كرد.
به‌پێی ڕاپۆرته‌كان، نوێنه‌رانی حیزب و لایه‌نه سیاسیه‌كان له گه‌ڕه‌كی كادیكۆی ئیستانبوول و شاری جووله‌مێرگ بۆ جارێكی دیكه له ئاست سه‌پاندنی سزای ١٩ ساڵ زیندان به‌سه‌ر “محه‌ممه‌د ئاكیش” شاره‌داری هه‌ڵبژێردراوی خه‌ڵك، خۆپێشاندانیان كردووه و دروشمه‌كانی “شاره‌دارییه‌كان مۆڵكی جه‌ماوه‌رن و ڕێگه ناده‌ین داگیر بكرێن”، “بژی به‌رخۆدانی جووله‌مێرگ” و “كوردستان، گۆڕستانی فاشیسته‌كان”یان به‌رز كردووته‌وه.