ڕۆژی شه‌ممه ٣١ی پووشپه‌ڕ، ده‌یان هه‌زار شارۆمه‌ندی ناڕازی ئیسڕائیل بۆ جارێكی دیگه دژبه ده‌وڵه‌تی ڕاستگه‌رای نتانیاهوو ڕژانه سه‌ر شه‌قام و خۆپێشاندانیان كرد.
به‌پێی راپۆرته‌كان، زیاتر له ٢٠٠ هه‌زار خۆپێشانده‌ر به به‌ده‌سته‌وه گرتنی ئاڵای ئیسڕائیل، ڕێزێكی یه‌ك كیلۆمتریان له ئۆتووبانی ئورشه‌لیم ساز كرد و به لێدانی ته‌پڵ و وتنی دروشم خوازیاری ڕاگرتنی لایه‌حه‌ی چاكسازی له یاسای قه‌زایی ئه‌و وڵاته بوون. جێگای ئاماژه‌یه كه ناڕازیان به كاتی شه‌و خێوه‌تیان هه‌ڵدا و له‌لایه‌ن خه‌ڵكی ئازدیخوازه خۆراكیان بۆ دابین كرا. ناڕازیان ده‌یانه‌وێت پێش ڕۆژی یه‌كشه‌ممه كه ئه‌و لایه‌حه له پاڕله‌مانی ئیسڕائیل ده‌خرێته به‌ر ده‌نگدان، له‌به‌رده‌م “كنێسێت” كۆببنه‌وه.