ڕۆژی سێشه‌ممه ١٤ی خاكه‌لێوه، پاش هه‌ڵوه‌شاندنه‌وه‌ی مافی نوێنه‌رایه‌تی هاوسه‌رۆكی شاره‌وانی گه‌وره‌شاری وان له‌لایه‌ن ده‌وڵه‌تی ئه‌ردۆغانه‌وه، خه‌ڵكی ئه‌و شاره ڕژانه سه‌ر شه‌قام و خۆپێشاندانیان كرد.
به‌وته‌ی چالاكانی مه‌ده‌نی له باكووری كوردستان، پاش ئه‌وه‌ی حیزبه‌كه‌ی ئه‌ردۆغان هه‌ڵبژاردنی شاره‌وانییه‌كانی له باكووری كوردستان دۆڕاندووه، ده‌ستی داوه‌ته سه‌ركۆت و كوده‌تای سیاسی دژبه حیزبی دیمۆكراسی و به‌رابه‌ری گه‌لان و مافی نوێنه‌رایه‌تی “عه‌بدۆڵڵا زه‌یدان” شاره‌داری هه‌ڵبژێردراوی شاری وانی هه‌ڵوه‌شاندۆته‌وه. له كاردانه‌وه به‌رامبه‌ر به بڕیاری ده‌وڵه‌ت، دانیشتووانی شاری وان ڕژانه سه‌ر شه‌قام و ڕایانگه‌یاند كه “عه‌بدۆڵڵا زه‌یدان” نوێنه‌ری ڕاسته‌قینه‌ی ئه‌وانه و به وتنه‌وه‌ی دروشم له‌گه‌ڵ هێزه‌كانی پۆلیس تێكهه‌ڵچوون.