زیاتر له ٤٠٠ كه‌س له چالاكانی چه‌پ و فێمێنیست ڕۆژی هه‌ینی ٢٢ی مانگی ڕه‌زبه‌ر له‌شاری “لییه‌ژ“ی بلژیك به مه‌به‌ستی پشتیوانی له ڕاپه‌ڕینی گه‌لانی ئێران كۆبوونه‌وه.
به‌پێی ڕاپۆرته‌كان، گرووپه‌كانی ئانتی فاشیست، ئانارشیست، خوێندكارانی چه‌پ، فێمێنیسته‌كان، بزووتنه‌وه‌ی ژنانی ڕۆژئاوا و چه‌ندین گرووپی دیكه به به‌ده‌سته‌وه‌گرتنی وێنه‌كانی “مه‌هسا ئه‌مینی” و قوربانیانی سه‌ركوتگه‌رییه‌كانی ڕژیمی ئیسلامی كۆبوونه‌وه و دژبه به‌رپرسانی ڕژیم دروشمیان وته‌وه و پشتیوانی خۆیان له ڕاپه‌ڕنی گه‌لانی ئێران ده‌ربڕی.