ڕۆژی دووشه‌ممه ٢ی ڕێبه‌ندانی ١٤٠٢، هه‌زاران ئه‌فغانستانی دانیشتووی وڵاتانی ئورووپایی دژبه سه‌ركوتی وه‌حشیانه‌ی ژنان له‌لایه‌ن حكوومه‌تی تالیبانه‌وه خۆپێشاندانیان كرد.
ئه‌فانستانیه‌كانی دانیشتووی ٣٠ شاری ئورووپا سه‌ركوتی دڕندانه‌ی تایفه‌ی هه‌زاره و ژنانی ئه‌فغانستانیان له‌لایه‌ن حكوومه‌تی تالیبانه‌وه به توندی مه‌حكووم كرد. به‌شداربووان داوایان له نه‌ته‌وه‌یه‌كگرتووه‌كان كرد تاكوو “ئاپارتایدی جنسیه‌تی” و “كۆمه‌ڵكوژكردنی هه‌زاره‌كان” له‌لایه‌ن تالیبانه‌وه به فه‌رمی وه‌كوو جه‌نایه‌ت دژی مرۆڤایه‌تی بناسێنن و تاوانباران سزا بده‌ن.