ڕاپۆرته‌كان باس له‌وه ده‌كه‌ن كه به هه‌زاران كه‌س له كچان و ژنانی بێلارووس، ڕۆژی شه‌ممه ٢٦ی ڕه‌زبه‌ر به هاتنه سه‌ر شه‌قامه‌كان، له‌دژی “ئه‌لێكساندێر لۆكاشێنكۆ” سه‌رۆك كۆماری ئه‌م وڵاته درووشمیان وتووه‌ته‌وه.
ناڕازییان به وتنه‌وه‌ی درووشمی “بژی بێلارووس” و “له په‌نجێره‌كان چاو لێبكه‌ن نه له تێلوێزیۆنه‌وه”، له‌ئاست سیاسه‌ته‌كانی لۆكاشێنكۆ سه‌رۆكی بێلارووس ناڕه‌زایه‌تییان ده‌ربڕیوه. شایانی باسه، له ئه‌نجامی ئه‌م خۆپیشاندانه، پۆلیسی دژه شۆڕش به هێرش كردنه سه‌ر ناڕازییان هه‌وڵی داوه كه بڵاوه به خۆپیشانده‌ران بكات. ئه‌م خۆپیشاندانه ڕۆژێك دوای ده‌ركرانی حوكمی ده‌ستبه‌سه‌ر كرانی “سووتالانا” ڕێبه‌ری نه‌یارانی ده‌وڵه‌تی بێلارووس به‌ڕێوه‌چووه.