به هه‌زاران كه‌س له خه‌ڵكی تایله‌ند له درێژه‌ی خۆپیشاندانه‌كانیان له‌دژی ده‌وڵه‌ت، ڕۆژی شه‌ممه بۆ جارێكی دیكه هاتنه سه‌ر شه‌قامه‌كان و له‌دژی سه‌رۆك وه‌زیرانی ئه‌م وڵاته درووشمیان وته‌وه.
ناڕازییان له‌ڕێگه‌ی به‌ده‌سته‌وه گرتنی چه‌ندین پلاكاردی ئێعتڕازی و وتنه‌وه‌ی درووشم، خوازیاری ده‌ست له‌كار كێشانه‌وه‌ی سه‌رۆك وه‌زیرانی ئه‌م وڵاته بوون. ناڕازیی سه‌ره‌ڕای خواستی ده‌ست له‌كار كێشانه‌وه‌ی ناوبراو، خوازیاری چاكسازی له نیزامی سیاسی و كه‌م كردنه‌وه‌ی ئێختیارانی نیزامی پاشایه‌تی له تایله‌ند بوون. به پێی گرته ویدیۆیه بڵاوكراوه‌كان له تۆڕه كۆمه‌ڵایه‌تییه‌كان، له ئه‌نجامی ئه‌م خۆپیشاندانه هێزه‌كانی پۆلیس له‌گه‌ڵ ناڕازییان تێكهه‌ڵچوون و له‌ڕێگه‌ی به‌كارهێنانی ماشێنی ئاوپاش به‌گژ خۆپیشانده‌راندا چوونه‌ته‌وه.