ژماره‌یه‌ك له لاوان و تازه‌لاوانی بێلژیكی ڕۆژی هه‌ینی ١٨ی ڕێبه‌ندان، له ناڕه‌زایه‌تیی به گه‌رمبوونی زه‌وی، ده‌ستیاندایه خۆپیشاندان.
له‌م خۆپیشاندانه كه له شاری برووكسێل به‌ڕێوه‌چوو، ناڕازییان به نیشاندانی وێنه‌ی ئاژه‌ڵان و وتنه‌وه‌ی چه‌ندین درووشمی وه‌ك “گوێ بدن به ده‌نگی ویژدانتان” و “كیسه‌ڵه‌كان ڕزگار كه‌ن” له‌ئاست سیاسه‌تی یه‌كێتیی ئۆرووپا سه‌باره‌ت به به‌ره‌وڕوو بوونه‌وه له‌گه‌ڵ گۆڕینی كه‌ش و هه‌وا ناڕه‌زایه‌تییان ده‌ربڕی. شایانی باسه، له ئه‌نجامی ئه‌م خۆپیشاندانه، ناڕازییان له‌دژی به‌رپرسی سیاسه‌ته‌كانی یه‌كێتیی ئۆرووپا درووشمیان وتووه‌ته‌وه. جێگه‌ی ئاماژه‌یه، ناوبراو پێشتر ڕایگه‌یاندبوو كه ناڕازییان به “سێندرۆمی گرێتا” تووش بوون. لێدوانێك كه له‌گه‌ڵ كاردانه‌وه‌ی توندی خۆپیشانده‌ران به‌ره‌وڕوو ببووه‌وه.