ڕێكخراوی كۆچى نێودەوڵەتی ڕۆژی سێشهممه ٢٢ی مانگی سهرماوهز ڕایگهیاند كە ٥٨ هەزار ئاوارەى عێراقی بەهۆى کەمى خزمەتگوزارییى و نەبوونى پارێزبەندى ئەمنى ڕووبەڕووی بارودۆخی سەخت بوونەتەوە و نزیكەی ملیۆنێك و ١٧ هەزار كەس لە عێراق هێشتا لە حاڵەتی ئاوارەبووندا دەژین.
بهپێی ئهو ڕاپۆرته، ئاوارەكان لە ١٢٥ شوێن نیشتهجێ كراون، کە زۆربەیان دەکەونە پارێزگاكانی سەلاحەدین و ئەنبار و موسڵ، بارودۆخیان سەختە و لە ئێستاشدا ئاوارەبوونی درێژخایەن بووەتە دیاردەیەك و بهرپرسانی دهوڵهتی عێراق هیچ ڕێگه چارهیهكیان بۆ چارهسهركردنی كێشهی ئهو ئاوارانه نهكردۆتهوه. ههروهها نزیكەی ملیۆنێك و ١٧ هەزار كەس لە عێراق هێشتا لە حاڵەتی ئاوارەبووندا دەژین لەکاتێکدا زیاتر لە پێنج ساڵە ماڵ و ناوچەكانی نیشتەجێبوونی خۆیان جێهێشتووە. لە پارێزگای سەلاحەدین ٢٠ هەزار و ٤٨٤ کەس، لە پارێزگای ئەنبار ١٦ هەزار و ٩٦٢ کەس، لە پارێزگاری موسڵ ١٠ هەزار و ٥١٢ کەس ئاوارە بوون و هەموو ئەوانەش لەدۆخێكی سەختدا دەژین.