به‌پێی ڕاپۆرتی سه‌رچاوه خۆجێیه‌كان، هێزە سەرکوتکەرەکانی ڕژیم لە قوتابخانەیەکی ناوەندیی کچانە لە شاری سەقز جێگیركراون کە لەنێو خەڵکدا بە قوتابخانەی ئەندێشەی پێشووی کچانە ناسراوە.
بەوتەی هاووڵاتیان، هێزە سەرکوتکەرەکانی ڕژیم هەتا کاتژمێر ٢ی بەیانی واتە تا کاتی تەواوبوونی شیفتی نیگابانییەکەیان لە هێندێک لە پۆلەکان و ژووری نوێژکردنی ئەو قوتابخانەیە، دەمێننەوە. ئه‌و هێزانه ڕێژه‌یان زیاتر له ٥٠ كه‌سه و لە شوێنێکی نادیارەوە ڕەوانەی سەقز دەکرێن و لە نزیک ئیدارەی ئامووزش و په‌روه‌رش و فەرمانداریی كۆده‌بنه‌وه.