چاودێریی مافی مرۆڤی سووریا ڕۆژی شه‌ممه ٥ی مانگی خه‌رمانان ڕایگەیاند: لە تەقینەوەیەکدا هەزار مووشەکی مامناوەندمەودای وشکانی بۆ وشکانی، کە لە ناوەندێکی لێکۆڵینەوەی نیزامی سپای پاسداران بەرهەم هێندرابوون، له‌ناوچووه.
به‌پێی زانیارییه‌كان، ئەم تەقینەوەیە شەش کاتژمێر لەدوای هێرشی ئیسرائیل بۆسەر “مەسیاف”ی سەر ئو‌ستانی “حه‌ما”ی سووریا ڕوویدا. به‌وته‌ی ئەلعەرەبیە، ئەم مووشەکانە بۆ ماوەی ساڵێک لە ئەمبارێکدا لە ناوچەی “زاوی” سەر بە “مەسیاف”ی سووریا شاردرابوونه‌وه و چەندین و چەندجار کەوتوونەتە بەر هێرشی ئاسمانیی ئیسرائیل، ئەم بنکانە بەرپرسایەتی دروستکردنی جۆرە جیاوازەکانی مووشەکیان لە گونده‌كانی “زاوی” و “شەیخ غەزبان” لە “مەسیاف” لە ئەستۆ بووه، هه‌روه‌ها له‌و هێرشانه‌دا چه‌ندین ئه‌ندام و فه‌رمانده‌ی باڵای هێزه‌كانی سپای قودسیش كوژراون.