ڕۆژی چوارشه‌ممه ٢٦ی گوڵان، ده‌وڵه‌تی ئێسلۆواكی له به‌یاننامه‌یه‌كدا ڕایگه‌یاند كه سه‌رۆك وه‌زیرانی ئه‌و وڵاته له‌لایه‌ن چه‌كدارێكه‌وه تیرۆر كراوه و دۆخی ته‌ندرووستی ناجێگیره.
به‌پێی ئه‌و ڕاگه‌یاندنه، “ڕۆبێرت فیتسۆ” سه‌رۆك وه‌زیرانی پۆپۆلیستی ئێسلۆواكی پاش چوونه‌ده‌ره‌وه له كۆبوونه‌وه‌یه‌كی ده‌وڵه‌تی له خانه‌ی فه‌رهه‌نگی “هندلوا” له ١٥٠ كیلۆمتری پایته‌ختی ئه‌و وڵاته، له‌لایه‌ن چه‌كدارێكه‌وه تیرۆر كراوه و دۆخی ته‌ندرووستی به‌هۆی به‌ركه‌وتنی چوار فیشه‌ك ناجێگیره. شایانی باسه كه هێرشبه‌ره‌كه له‌لایه‌ن پۆلیسه‌وه ده‌ستبه‌سه‌ر كراوه و لێكۆڵینه‌وه‌كان له‌سه‌ر ئه‌و ڕووداوه ده‌ستی پێ كردووه.