له چهند مانگی ڕابردوودا، ڕێژهی كوشتنی گوماناوی ژنان له ئهفغانستان چووهته سهرهوه و له نوێ ترین بابهت دا، دوو ژن له باكووری ئهو وڵاته تیرباران كراون.
بهرپرسانی خۆجێیی تالیبان له ئوستانی كاپیسا ڕهدیان كردووهتهوه كه چهكدارانی ئهو گرووپه دهستیان لهو جهنایهتهدا ههبووبێت، بهڵام كارنامهی ئهو گرووپه توندئاژۆه مهزههبیه، نیشانی داوه كه پاش به دهسهڵات گهیشتنیان، به سهدان ژن دهستبهسهر، ئهشكهنجه و كوژراون، به ملیۆنان كچ له مافی خوێندن بێبهش و كهسابهتی ههزاران ژن داخراوه. ههورهها سهدان منداڵی كچ ناچار به هاوسهرگیری لهگهڵ ئهندامانی ئهو گرووپه كراون و له بهرانبهردا پارهیهكی كهم به بنهماڵهكانیان بهخشراوه.