ڕاپۆرته‌كان باس له‌وه ده‌كه‌ن كه له ئه‌نجامی ته‌قینه‌وه‌یه‌ك له كانێكی به‌ردی خه‌ڵۆز له ئاڵمان، لانیكه‌م ٣٥ كرێكار له قووڵایی ٧٠٠ میتری زه‌وی گیریان خواردووه.
هه‌واڵنێریی ئاڵمان ڕایگه‌یاندووه، تیمه‌كانی فریاكه‌وتنی شارۆچکەی تویچینتاڵی باکوری ئاڵمان توانیویانه ئه‌م ٣٥ کەسه کە له زیاتر لە ٧٠٠ میتر لە قوڵایی زەویدا گیریان خواردبوو، ڕزگار بكه‌ن. شایانی باسه، بەهۆی روداوەکەوە چوار کەس بریندار بوون و دوای ماوەیەکی کەم لە روداوەکە توانراوە لەژێر کانەکە دەربهێنرێن و بگەیەندرێنە نەخۆشخانە. بەپێی زانیارییەکان، کارکردن لەو کانە خەڵوزە لە ساڵی ١٩٨٢وه وەستاوە و ماوەی ١٥ ساڵە دوبارە وەک بنکەیەک بۆ کۆکردنەوەی کانزای فڕێدراو و پارچەی لەکارکەوتوو بەکاردەهێنرێتەوە.